დამოუკიდებლობის დღის მოახლოვებასთან ერთად ქვეყანაში პოლიტიკური დაძაბულობა მატულობს- მმართველი გუნდი ოპოზიციას მოუწოდებს, რომ „ფრთხილად იყვნენ" , საუბრობენ ოპოზიციონერების მხირდან შესაძლო პროვოკაციებსა და 26 მაისის ჩაშლის მცდელობაზე, ოპოზიციის ნაწილს ღონისძიებისთვის მზადება უკვე დაწყებული აქვს, ნაწილი კი ღონისძიებაში მონაწილეობას არ აპირებს.

რუსეთსა და უკრაინას შორის ფაქტობრივად ჩავარდნილი მოლაპარაკებების შემდეგ, პრეზიდენტი პუტინი ამბობს, რომ ომს იგებს და ამიტომ დასრულება არ სურს. ჯერჯერობით უცნობია, რა იქნება ტრამპის პოზიცია, ვინაიდან ადრე იქადნებოდა, რომ თუკი რუსეთი უარს იტყოდა ცეცხლის შეწყვეტაზე, დამანგრეველ საქნციებს დაუწესებდა.

უძრავი ქონების ბაზარს ჭარბი მიწოდების პრობლემა აქვს. მართალია, ამის შესახებ სექტორში ღიად არ საუბრობენ, თუმცა სპეციალისტები არ მალავენ, რომ მიწოდება მოთხოვნას აჭარბებს. ტენდენციაც ბოლო წლების განმავლობაში შესამჩნევია. საუბარია იმაზეც, რომ შექმნილი სიტუაციის გამო ბანკებმა ხელოვნურად დაიწყეს დაკრედიტების შემცირება. ანალოგიური სიტუაცია იყო საავტომობილო ბიზნესში და პრობლემამ ახლა უკვე დეველოპერულ ბაზარზეც იჩინა თავი. 

ქუთაისში მეზობლის მკვლელობის ბრალდებით დაკავებულ თეიმურაზ ჩოგოვაძეს 15 წლამდე პატიმრობა ემუქრება. ჩატარებული საგამოძიებო მოქმედებების შედეგად, სამართალდამცავებმა ბრალდებული ცხელ კვალზე დააკავეს, ნივთმტკიცებად ამოღებულია დანა და მობილური ტელეფონები, გამოძიება სსკ-ს 108-ე მიუხლით - განზრახ მკვლელობაზე მიმდინარეობს. აღკვეთის ღონისძიების შეფარდებაზე სხდომა 22 მაისს გაიმართა, სასამართლომ პროკურატურის შუამდგომლობა გაითვალისწინა და დაკავებულს წინასწარი პატიმრობა შეუფარდა.

რუსეთსა და უკრაინას შორის მემორანდუმზე მუშაობა დინამიურად მიმდინარეობს, არავის სურს პროცესის გაჭიანურება - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა. უკრაინულ მხარეს ოფიციალური განცხადება მემორანდუმთან დაკავშირებით, ჯერჯერობით, არ გაუკეთებია.

დროებით საგამოძიებო კომისიაზე გამოუცხადებლობის გამო გირაოს გადახდის საკითხმა ოპოზიცია ორ ბანაკად გაყო: ერთნი პრაგმატულად გირაოს გადახდას უჭერენ მხარს, მეორენი პრინციპულ ბრძოლას ამჯობინებენ. „კოალიცია ცვლილებებისათვის" კატეგორიულად ეწინააღმდეგება გირაოს გადახდას, ხოლო ზურაბ „გირჩი" ჯაფარიძე დაპატიმრებასაც არ გამორიცხავს, ენმ „მორალური მსაჯულობისგან" თავს იკავებს, გახარიას პარტია კი ოპონენტებს გირაოს გადახდას ურჩევს.

მმართველ პარტიაში აცხადებენ, რომ აშშ-ს სახელმწიფო მდივნის განცხადებაში ნახსენები არ იყო არც „ქართული ოცნება" და არც საქართველო, კონგრესმენმა ჯო უილსონმა კი პროვოკაციული კითხვა დასვა. ირწმუნებიან, რომ მარკო რუბიო ზოგადად ლაპარაკობდა და კონკრეტულად საქართველოს მთავრობა არ უგულისხმია. ოპოზიციას კი მიაჩნია, რომ „ოცნება" უბრალოდ თავს იმშვიდებს და შემდგომი ნაბიჯი იქნება „მეგობარი აქტის" საბოლოოდ მიღება, რაც ხელისუფლებას დიდ პრობლემებს შეუქმნის.

ამერიკის სახელმწიფო მდივან მარკო რუბიოს სკანდალურ განცხადებაზე თბილისში გამოხმაურებები არ ცხრება. საერთაშორისო ურთიერთობების სპეციალისტი იგორ კვესელავა მიიჩნევს, რომ ეს ნაწილობრივ პრემიერ კობახიძის წერილითაცაა გამოწვეული, რომელიც, ერთი მხრივ, არადიპლომატიური იყო, მეორე მხრივ კი ტექნიკურად გაუმართავი. ამბობს, რომ „ოცნების" გუნდი გადაჭარბებით გაამპარტავანდა, თუმცა თავის მოწონების არავითარი საფუძველი არა აქვს, ყოველ შემთხვევაში საგარეო პოლიტიკის კუთხით, რადგან ქვეყანა რეგიონული ლიდერიდან სამხრეთ კავკასიის მაჩანჩალად იქცა.

პრემიერ-მინისტრმა ირაკლი კობახიძემ, ევროპული პოლიტიკური საზოგადოების ალბანეთის სამიტის შემდეგ პირველი კომენტარი გააკეთა. მისი თქმით, ევროპული ბიუროკრატია "აბსოლუტურად უსამართლოა" ქართველო ხალხისა და საქართველოს მიმართ და ამას სხვა ახსნა არ აქვს თუ არა ის, რომ "დიფ სთეითი" ევროპულ გაერთიანებაში "ხელს აფათურებს".

„რუსეთი არ არის წინააღმდეგი ამიერკავკასიაში მესამე ქვეყნებთან თანამშრომლობის განვითარების, მაგრამ მხოლოდ იმ შემთხვევაში, თუ ეს რეგიონში დაძაბულობის შექმნას არ ისახავს მიზნად, - ამის შესახებ რუსეთის საგარეო საქმეთა მინისტრმა, სერგეი ლავროვმა სომეხ კოლეგასთან, არარატ მირზოიანთან მოლაპარაკებების შემდეგ განაცხადა.

26 მაისის წინ პოლიტიკური ტემპერატურა მკვეთრად იზრდება - ოპოზიციური სპექტრის ნაწილი რადიკალურ ქმედებებს აანონსებს, ხელისუფლება კი კანონის ძალით პასუხის გაცემაზე საუბრობენ.

"მსურველთა კოალიციის" გეგმები ჯერ დასრულებული არაა, თუმცა ქვეყნები მზად არიან პრაქტიკული ნაბიჯები გადადგან და საკუთარი წვლილი შეიტანონ უკრაინის და მთლიანი ევროპის თავდაცვის საქმეში, ამ მხრივ განსაკუთრებით საფრანგეთის როლი იზრდება, ამას მოსკოვიც აღნიშნავს და ფრანგების აქტიურობით განსაკუთრებით აღშფოთებულია.

ოკუპირებული აფხაზეთი კვლავ დენის დეფიციფს განიცდის, ამიტომ რუსული მხარე ჩაძირული ვარდნილჰესების რემონტს და მათზე კონტროლის დამყარებას აპირებს. ენერგეტიკოსების განცხედებით, ქართულ მხარესთან შეთანხმების გარეშე, ვერავითარ სარემონტო თუ სხვა სახის საქმიანობას ვერ განახორციელდება. 

საქართველოს მოსახლების დიდი ნაწილი თბილისში ცხოვრობს. სწორედ ამიტომ ქალაქი ძალიან გადატვირთულია, რაც ბევრ პრობლემას ქმნის. დედაქალაქში უფრო მეტი შესაძლებლობა არსებობს როგორც დასაქმების, ისე თუნდაც განათლების მიღების კუთხით, მაგრამ თბილისი ასეთ დატვირთვას ვეღარ უძლებს და ამიტომ საჭიროა, გეგმის შედგენა, რაც რეგიონებს განავითარებს. 

თბილისში არაერთი არქიტექტურული ნაგებობაა, რომელიც ქალაქის იერსახეს ამახინჯებს. ,,რიყის დოქები" პირველი პრეცედენტია, როცა მასშტაბური ნაგებობის დემონტაჟი გადაწყვეტილია. იმისთვის, რომ მსგავსი შეცდომები არ იქნას დაშვებული და ქალაქის განვითარება სწორად განისაზღვროს, სპეციალისტები გამოსავალს მშენებლობის მიმართ კონტროლის გამკაცრებაში ხედავენ. ამასთან, უნდა დამუშავდეს თბილისის ხედვითი კორიდორების პროექტი, სადაც მოხდება უკვე აშენებული შენობების აღრიცხვა და განისაზღვრება ისიც, რა არ უნდა აშენდეს, რათა პროექტი დედაქალაქის ურბანულ მოთხოვნებთან შესაბამისობაში იყოს.

სამყაროს უსასრულობას ყველაზე უფრო მეტად ტექნოლოგიების განვითარება წარმოაჩენს. ტექნოლოგია არის ნივთიერების, ენერგიისა და ინფორმაციის გადამუშავების ხერხი. მე-19 საუკუნიდან მკვეთრად აჩქარებული ტექნოლოგიების განვითარება განსაკუთრებულად მიბმულია ინფორმაციის დამუშავებასა და გადაცემაზე.  ეს ბუნებრივია, რადგან ინფორმაცია ყველაზე მნიშვნელოვანი ცოდნაა. შესაბამისად, ინფორმაციის გაცვლის, გადაცემის, შენახვისა და დაცვის ტექნოლოგიების განვითარება ყველასთვის უპირატესი გახდა.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე რენის უნივერსიტეტის (საფრანგეთი) ვიცე-პრეზიდენტს საერთაშორისო ურთიერთობების მიმართულებით, სებასტიან ლე პიკარს შეხვდა და ორ უნივერსიტეტს შორის სამეცნიერო-საგანმანათლებლო სფეროში სამომავლო კოლაბორაციის შესაძლებლობებზე იმსჯელა. 

დონალდ ტრამპმა 175 მილიარდი დოლარის ღირებულების „ოქროს გუმბათის" პროექტი დაამტკიცა, - ამის შესახებ აშშ-ის პრეზიდენტმა თეთრ სახლში ჟურნალისტებს განუცხადა. დონალდ ტრამპმა აღნიშნა, რომ „ოქროს გუმბათის" თავდაცვითი ფარი მისი საპრეზიდენტო ვადის ამოწურვამდე უნდა ამოქმედდეს და შესაძლოა, პროგრამას კანადაც შეუერთდეს.

ევროკავშირმა რუსეთის წინააღმდეგ სანქციების მე-17 პაკეტი დაამტკიცა, - ამის შესახებ განცხადებას ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი „ტვიტერზე" წერს. ამასთან, მზადდება მე-18 პაკეტიც.